Stutt leit í ræðusafni þingsins...

...leiðir í ljós eftirfarandi ummæli Jóhönnu Sigurðardóttur forsætisráðherra í ræðustól þingsins (feitletranir eru mínar):

[10:41]

Hlusta - Horfa

forsætisráðherra (Jóhanna Sigurðardóttir) (Sf):

Virðulegi forseti. Svarið við síðustu spurningunni er nei, það var ekki haft samráð við forsætisráðherra eða fjármálaráðherra um þetta mál. Ég hef gefið alveg skýr svör í þessu máli. Það hafa engin loforð eða fyrirheit verið gefin enda ekki á mínu færi að gefa slík loforð. Laun seðlabankastjóra fara eftir lögum og ákvæðum um Seðlabankann og ekki síst niðurstöðu kjararáðs. Ég sé ekki eftir niðurstöðu kjararáðs að það sé eitthvert svigrúm til þess að beita ákvæðum sem eru í seðlabankalögunum í þessu efni til að hækka launin.

Það er tvennt sem liggur fyrir: Að seðlabankastjóri sjálfur hefur sagt að hann mundi ekki taka við slíkri launahækkun þó að hún væri í boði og að formaður bankaráðs hefur sagt að líklega verði niðurstaðan sú að þessi hugmynd og tillagan sem liggur fyrir bankaráðinu verði dregin til baka. Það hafa engar ákvarðanir verið teknar í forsætisráðuneytinu enda ekki á færi þess né ráðherra um að gefa slík loforð. Það fer eftir lögum um Seðlabanka og niðurstöðu kjararáðs. Niðurstaða kjararáðs liggur fyrir og ég sé ekki annað en að í það stefni að eftir henni verði farið vegna þess að auðvitað á að fara eftir niðurstöðu kjararáðs í þessu efni.

----------- oo ------------

[10:44]

Hlusta - Horfa

forsætisráðherra (Jóhanna Sigurðardóttir) (Sf):

Ég veit ekki hvað ég þarf að tala skýrt í þessu máli, virðulegi forseti, til að hv. þingmaður skilji það að ég hef engin loforð gefið í þessu máli. Ég átti engin samtöl við formann bankaráðs í aðdraganda þess að þessi tillaga var lögð fram (Gripið fram í.) og það er alveg öruggt mál að laun seðlabankastjóra geta ekki verið úr takti við aðrar ákvarðanir sem teknar hafa verið af hálfu hins opinbera. (Gripið fram í.) Það er niðurstaðan og mér finnst líklegt af orðum formanns bankaráðsins að dæma að þessi tillaga verði dregin til baka enda er það skynsamlegt (Gripið fram í.) vegna þess að það að hækka launin er úr öllum takti við þá stefnu sem ríkisstjórnin hefur markað í þessu máli.

----------- oo ------------

Þessi orð féllu í óundirbúnum fyrirspurnuartíma þingins þann 6. maí síðastliðiinn. Umræðurnar í heild sinni má lesa, heyra og sjá með því að smella hér.

 

Már og Jóhanna ræddu launin

Athugasemdir

[Guðrún María Óskarsdóttir., 6.6.2010 kl. 02:27]

Já Magnús, þetta er nú nokkuð sláandi, annað verður ekki sagt.

kv.Guðrún María.

[Kolbrún Stefánsdóttir, 6.6.2010 kl. 10:02]

Hi Magnús. Þetta er hið vandræðalegasta mál fyrir Samfylkinguna. Jóhanna hefur verið sú sem menn hafa haft mestu trú á að komi hreint fram í þeirra röðum. Nú er styrkjadrottningin á bak og burt , allt of seint til að það komi að gagni fyrir trúverðugleikann. :) Vertu hress kveðja Kolla.

[Vilhjálmur Eyþórsson, 17.6.2010 kl. 18:24]

Síðan var opnuð í gær eftir að fjöldi manns hafði kvartað við mbl.is. Ég skrifaði líka bréf til Davíðs, sem kann að hafa hjálpað. En hér var um að ræða hina svívirðilegu 233. grein almennra hegningarlaga, sem kom m.a. við sögu í „rasistadómnum“ fræga.